ప్రాణం ఖరీదు !!

 

నిన్న చూసిన నవ్వు నేడు మాయం అయితే,

నిన్న విన్న పిలుపు నేడు మూగబోతే,

నిన్న నడిచిన నడక పడక ఎక్కితే..

బువ్వ పెట్టిన అవ్వ,

తీపి పంచిన తాత,

నడక నేర్పిన నాన్న,

ప్రాణం ఇచ్చిన అమ్మ,

ప్రేమ పంచిన అక్క,

చేయూత ఇచ్చిన అన్న,

పేగు పంచుకున్న చెల్లి,

భాధ్యత పంచుకున్న తమ్ముడు,

అలక తీర్చిన భర్త,

ముడి బంధం ఆలి..

పేరు ఏమైనా, బంధం ఏదైన,

కంటికి కనిపించని మహమ్మారి కబలిస్తే,

మన అనుకున్న మనిషి మట్టిలోకి చెరితే,

కాయం కాలిన గాయం మనం మరువనిది.

ఏవరిదీ భధ్యత?

నీదా? నాదా? రాజుదా? మంత్రిదా?

లేదా మనందరిదా??

సమాధానం ఏదైనా,

ఎవరు చెప్పగలరు, ఓ ప్రాణం ఖరీదు !!

-- మీ సాయి కార్తీక్